Ղեկավարվելով <<Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին>> 2002 թվականի դեկտեմբերի 26-ի օրենքի 7-րդ հոդվածի պահանջներով, հիմք ընդունելով Եղվարդ համայնքի ղեկավարին Ահարոն, Ռաֆիկ, Քոչար Մուշեղյանների կողմից ներկայացված դիմումը, և այն հանգամանքը, որ Մուշեղյանների  կողմից օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, այն ընդգրկված չէ Հողային օրենքսգրքի 60-րդ հոդվածով նախատեսված սահմանափակումների ցանկում, ընդգրկված չի ինժեներատրանսպորտային օբյեկտների օտարման կամ անվտանգության, ինչպես նաև հնագիտական պատմամշակությաին հողերի պահպանման գոտիներում, չի հակասում քաղաքաշինական նորմերին, չի սահմանափակում այլ անձանց իրավունքները, չի առաջացնում սերվիտուտ՝ որոշում եմ.

1. Ճանաչել Ահարոն Ռաֆիկի Մուշեղյանի (ծնված 1975 թվականի ապրիլի 29-ին), Ռաֆիկ Կարապետի Մուշեղյանի  (ծնված 1933 թվականի մայիսի 30-ին),  Քոչար Ռաֆիկի Մուշեղյանի (ծնված 1965 թվականի հունվարի 4-ին) սեփականության իրավունքը ըստ կադաստրային քարտեզագրման արդյունքների Եղվարդ համայնքի Զովունի գյուղի 07-029-0022-0002 կադաստրային ծածկագրով 0,1 հա հատկացված հողամասից ավել օգտագործվող 0,02505 հա մակերեսով՝ ընդհանուր փաստացի օգտագործվող 0,12505 հա բնակավայրերի նշանակության բնակելի կառուցապատման հողամասի նկատմամբ: 

  2. Սույն որոշումն ուժի մեջ է մտնում ընդունման պահից: