Համաձայն <<Տեղական ինքնակառավարման մասին>>  օրենքի 42-րդ հոդվածի 1-ին մասի 6-րդ կետի,  <<Նորմատիվ իրավական ակտերի մասին> օրենքի 37-րդ հոդվածի 1-ին մասի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի, հիմք ընդունելով Եղվարդ համայնքի ղեկավարին 2020 թվականի ապրիլի 3-ին Աստղիկ Կարապետյանի կողմից ներկայացված դիմումը և այն հանգամանքը,  որ հողամասի գործառնական նշանակության փոփոխությունը չի հանգեցնում գլխավոր հատակագծի հիմնական նախագծային լուծումների փոփոխության՝որոշում եմ.

1.  Քաղաք Եղվարդ, Չարենցի  փողոց, 166/1 հասցեում գտնվող, սեփականության իրավունքով Աստղիկ Ռոբերտի Կարապետյանին պատկանող (անշարժ գույքի նկատմամբ իրավունքների պետական գրանցման վկայական N 27082019-07-0044) 07-004-0197-0040 կադաստրային համարի 0,03783 հա բնակավայրերի նշանակության բնակելի կառուցապատման հողամասի գործառնական նշանակությունը փոփոխել խառը կառուցապատման:

2.Բավարարել քաղաքացի Աստղիկ Կարապետյանի դիմումը և թույլատրել  նրան քաղաք Եղվարդ,  Չարենցի փողոց 166/1 հասցեում գտնվող սեփականության իրավունքով իրեն պատկանող 07-004-0197-0040 կադաստրային համարի  հողամասում  իրականացնել  բնակելի տան և առևտրի սրահի կառուցման աշխատանքներ, տրամադրել շինարարության թույլտվություն: 

3․ Հանձնարարել աշխատակազմի գլխավոր մասնագետ-ճարտարապետ Սամվել Մկրտչյանին նախապատրաստել և համայնքի ղեկավարի հաստատմանը ներկայացնել <<Քաղաքաշինության մասին>> օրենքով սահմանված անհրաժեշտ փաստաթղթերը։

4.Պահանջել Աստղիկ Կարապետյանից շինարարական աշխատանքներն սկսել միայն անհրաժեշտ նախագծի և շինարարության թույլտվության առկայության դեպքում:

5. Ուժը կորցրած ճանաչել Եղվարդ համայնքի ղեկավարի 2019 թվականի հոկտեմբերի 2-ի <<Հողամասի գործառնական նշանակությունը փոփոխելու և շինարարության թույլտվություն տալու մասին>> N 1129 որոշումը: