Համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10-րդ, 11-րդ, 18-րդ կետերի, հիմք ընդունելով Արամ Ասատրյանի կողմից 2021 թվականի հունվարի 15-ին Եղվարդ համայնքի ղեկավարին ներկայացված դիմումը, <<Արդիլիս>> ՍՊԸ-ի կողմից տրված եզրակացությունը, և այն հանգամանքը, որ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի առաջացնում քաղաքացիների կյանքին և առողջությանը, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք՝ որոշում եմ.
1.Գյուղ Զովունի, 36-րդ փողոց, 1-ին նրբանցք, 1/2 հասցեում, Արամ Դավիդի Ասատրյանին սեփականության իրավունքով պատկանող 07-029-0268-0050 կադաստրային համարի տակ գտնվող հողամասում 2021 թվականին ինքնակամ կառուցված 15.7 քմ արտաքին մակերեսով օժանդակ շինությունը և 3.9 քմ պարիսպը ճանաչել օրինական:
2․ Կառուցապատումն իրականացրած անձի կողմից 60-օրյա ժամկետում օրինականացման ընդհանուր գումարը՝ 30576 դրամը չվճարելու դեպքում սույն որոշումը համարել ուժը կորցրած: