Համաձայն Քաղաքացիական օրենսգրքի 188-րդ հոդվածի 2-րդ մասի, Հայաստանի Հանրապետության կառավարության 2006 թվականի մայիսի 18-ի N 731-Ն որոշման հավելվածով հաստատված կարգի պահանջների, Հայաստանի Հանրապետության կառավարության 2005 թվականի դեկտեմբերի 29-ի N 2387 որոշմամբ հաստատված կարգի,  Հայաստանի Հանրապետության կառավարության 2006 թվականի մայիսի 18-ի N 912-Ն որոշման, հիմք ընդունելով այն հանգամանքը, որ ինքնակամ կառույցը կառուցված չէ քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման կամ անվտանգության գոտիներում, չի առաջացնում սերվիտուտ պահանջելու իրավունք, նաև դրա պահպանումը չի խախտում այլ անձանց իրավունքներն ու օրենքով պահպանվող շահերը և վտանգ չի ներկայացնում քաղաքացիների կյանքին ու առողջությանը` որոշում եմ.

1. Եղվարդ համայնքի Զովունի գյուղի կադաստրային քարտեզի 07-029-0003-0002 ծածկագրից 0,0598 հա համայնքային սեփականություն հանդիսացող հողամասի վրա քաղաքացի Արաքսիա Բագրատի Բաղմանյանի կողմից ինքնակամ կառուցված 162.7 քմ արտաքին մակերեսով բնակելի տունը, 22.5 քմ արտաքին մակերեսով օժանդակ շինությունը, 0.13 քմ արտաքին մակերեսով սանհանգույցը և 9.2 քմ մակերեսով պարիսպը  ճանաչել որպես համայնքային սեփականություն:

2. Օրինականացնել Եղվարդ համայնքի Զովունի գյուղի կադաստրային քարտեզի 07-029-0003-0002 ծածկագրից 0,0598 հա համայնքային հողամասի վրա ինքնակամ կառուցված շինությունները և տրամադրել հետևյալ հասցեն՝ Եղվարդ համայնք, գյուղ Զովունի, 14-րդ փողոց, N 53/2:

3. Համաձայն ներկայացված հողամասի հատակագծի հնգօրյա ժամկետում դիմել Հայաստանի Հանրապետության անշարժ գույքի կադաստրի կոմիտեի մարզերի միավորված ստորաբաժանում` Եղվարդ համայնքի կադաստրային քարտեզի 07-029-0003-0002 ծածկագրից 0,0598 հա բնակավայրերի նշանակության բնակելի կառուցապատման հողամասի և շինությունների համայնքային սեփականության իրավունքի պետական գրանցման վկայական ստանալու համար:

4. Օրինական ճանաչված կառույցի նկատմամբ պետական գրանցում ստանալուց հետո, 15 օրյա ժամկետում շինությունը և հողամասը Հայաստանի Հանրապետության կառավարության 2006 թվականի մայիսի 18-ի N 912-Ն որոշման հավելվածի 34 և 35 կետերով սահմանված պայմաններով ձեռք բերելու առաջարկությամբ դիմել կառույցն իրականացրած անձին՝ Արաքսիա Բագրատի Բաղմանյանին։