Մարզի տարածքային և տեղական ինքնակառավարման մարմիններում արդի պահանջների ոգուն համահունչ երիտասարդական քաղաքականություն իրականացնելու, տվյալ մարմիններում երիտասարդների պատշաճ մասնակցությունը խթանելու նպատակով՝ Կոտայքի մարզպետը նախաձեռնել է մարզպետին առընթեր երիտասարդական խորհրդի կազմի համալրման գործընթաց։ Խորհրդի կազմում ընդգրկվում են մարզի բոլոր քաղաքային, ինչպես նաև երկու հազար և ավելի բնակիչ ունեցող համայնքների երկուական ներկայացուցիչ, որոնցից մեկը ներկայացնում է պետական, իսկ մյուսը՝ ոչ պետական հատվածը:
- Խորհրդի պետական հատվածը ներկայացնող անդամը համայնքի ղեկավարի տեղակալն է, իսկ այդ հաստիքի բացակայության դեպքում՝ համապատասխան համայնքի աշխատակազմի ղեկավարը:
- Խորհրդի ոչ պետական հատվածը ներկայացնող անդամը 16-30 տարեկան երիտասարդ է, որը համապատասխանում է հետևյալ չափանիշներին՝
1) երիտասարդներին առնչվող կրթական, սոցիալական, զբաղվածության, առողջապահական և մշակութային խնդիրներին տիրապետելը.
2) երիտասարդական կազմակերպություններում տարբեր ծրագրերին կամ միջոցառումներին մասնակցության փորձ.
3) երիտասարդական քաղաքական բնագավառում միջազգային փորձի, պետական և հանրային կառավարման համակարգի, ծրագրերի մշակման, իրականացման և գնահատման առանձնահատկությունների իմացություն:
Հ.Գ Խորհրդի ոչ պետական հատվածը ներկայացնող անդամն առաջադրվում է համայնքի ավագանու կողմից՝ մրցութային կարգով:
Չափանիշներին համապատասխանող բոլոր երիտասարդները կարող են դիմել Եղվարդի համայնքապետարանի աշխատակազմ մինչև 2018 թվականի հուլիսի 23-ը, ժամը 1000-ն ներառյալ։
Լրացուցիչ հարցերի համար զանգահարել 0224 2-22-04 հեռախոսահամարին։