Համաձայն <<Քաղաքաշինության մասին>> օրենքի 143-րդ հոդվածի 12-րդ մասի, <<Նորմատիվ իրավական ակտերի մասին>> օրենքի 37-րդ հոդվածի 1-ին մասի, Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի եզրակացությունը և Եղվարդի համայնքի ավագանու 2021 թվականի մարտի 18-ի N 56 որոշմամբ հաստատված համաձայնությունը՝ որոշում եմ.
1. Եղվարդ համայնքում գտնվող, սեփականության իրավունքով Անդրանիկ Սարգիսի Կարապետյանին և Սյուզան Ժագոպի Մուրատեանին պատկանող 07-004-0583-0094 կադաստրային ծածկագրի 0,05649 հա գյուղատնտեսական նշանակության վարելահողի նպատակային նշանակությունը համարել փոխադրված բնակավայրերի նշանակության բնակելի կառուցապատման հողերի կատեգորիա:
2. Հայաստանի Հանրապետության կառավարության 2007 թվակականի օգոստոսի 9-ի N 978-Ն որոշմամբ հաստատված Եղվարդ համայնքի գլխավոր հատակագծի մեջ կատարել համապատասխան փոփոխություն:
3. Անդրանիկ Սարգիսի Կարապետյանի և Սյուզան Ժագոպի Մուրատեանի կողմից 30-օրյա ժամկետում 1609118 դրամ գումարը չվճարելու դեպքում սույն որոշումը համարել ուժը կորցրած:
4. Ուժը կորցրած ճանաչել Եղվարդ համայնքի ղեկավարի 2021 թվականի օգոստոսի 3-ի <<Հողամասի նպատակային նշանակությունը փոփոխված համարելու և հասցեավորման մասին>> N 1257 որոշումը: