2022 թվականի փետրվարի 28-ին և մարտի 1-ին Չարենցավան քաղաքում անցկացվելու է «ՀՀ Վարչապետի գավաթ» սիրողական սեղանի թենիսի մրցաշարի եզրափակիչ փուլը, որին մասնակցելու են մարզային ստուգատեսում հաղթած մարզիկները (մարզային փուլի անցկացման վայրի և ժամանակացույցի մասին կիրազեկվի):
Մրցաշարին կարող են մասնակցել երկու տարիքային խմբերի (1-ին խումբ` 18-35 տարեկան /1987-2004 թթ. ծնված/կանայք, 18-40 տարեկան /1982-2004 թթ. ծնված/ տղամարդիկ, 2-րդ՝ 36 /1986 թ. ծնված/ և բարձր տարիքի կանայք, 41 /1981 թ. ծնված/ և բարձր տարիքի տղամարդիկ) մարզիկները, որոնք պետք է մրցավայր ներկայանան իրենց անձնական ռակետներով:
Մրցաշարին չեն կարող մասնակցել այն մարզիկները, որոնք վերջին հինգ տարիների ընթացքում մասնակցել են սեղանի թենիսի ՀՀ առաջնություններին և միջազգային մրցաշարերին, բուքմեյքերական գրասենյակների կազմակերպած վճարովի խաղերին:
Յուրաքանչյուր տարիքային խմբում համայնքային մրցաշարում 1-2-րդ տեղերը գրաված մարզիկների հայտերը (ընդհանուրը` 8 մասնակից) մինչև 2022 թ. հունվարի 21-ը կներկայացվեն մարզպետարան:
Մրցաշարին մասնակցելու ցանկության դեպքում կարող եք դիմել Նաիրիի համայնքապետարանի կրթության, մշակույթի, սպորտի և սոցիալական հարցերի բաժին կամ զանգահարել
(0224) 2 26 28,
077 323297 հեռախոսահամարներով: