Նաիրի համայնքը վաղը՝
Բազմաբևեռ արդյունավետ տնտեսություն ունեցող համայնք է, որը հաջողությամբ բեռնաթափել է մայրաքաղաքի արտադրական ծանրաբեռնվածությունը՝ միաժամանակ ստեղծելով սոցիալական գրավիչ պայմաններ՝ ստեղծարար քաղաքացու արժանապատիվ բնակության և արարչության համար։
Կարևորելով համայնքի բնակչին՝ որպես ամենաառաջնային բարեկեցության օղակ՝ համայնքում ստեղծված միջավայրը ամենագրավիչն ու ամենահարմարավետներից մեկն է, որտեղ հանցավորությունը, արտագաղթը, այլասերվածությունը, գործազրկությունն ու կոռուպցիան այլևս հնարավոր է հանդիպել միմիայն համայնքի արխիվում՝ հին հոդվածներում ու թերթերի համարներում։
Համայնքի տնտեսության առաջատար ճյուղերից է տրիկոտաժի արտադրությունը։ Այս ոլորտում համայնքի ունեցած բազմաչարչար փորձը, գումարվելով տեղում ստեղծված նորարարական տեխնոլոգիաներին, ստեղծում է բարձր մրցակցություն ունեցող արտադրանք ինչպես երկրի ներսում, այնպես էլ երկրից դուրս։
Մայրաքաղաքին մոտ լինելը, գեղատեսիլ բնությունը, բազմաթիվ բնական և մարդածին հուշարձանների առկայությունը, տուրիզմի արժեշղթայում սննդի, գիշերակացի, երթուղիների ու ժամանցի ծառայություն մատուցող բազմաթիվ փոքր ձեռնարկությունների առկայությունը խթանել է էկո, արկածային և ուտեստային տուրիզմի զարգացումը համայնքում։
Զարգացած է տեղեկատվական տեխնոլոգիաների ոլորտը և բարձր տեխնոլոգիաների արտադրությունը։ Այս արտադրություններում առաջնային արտադրանքներ են այլընտրանքային էներգիայի ստացման աղբյուրները, ջեռուցման համակարգերը և գյուղատնտեսության մեջ օգտագործվող ավտոմատացման համակարգերը, որոնք լայնորեն օգտագործվում են համայնքում և համայնքից դուրս։
Համայնքը զուգահեռաբար զբաղվում է ինտենսիվ գյուղատնտեսությամբ՝ այգեգործությամբ, խոշոր և մանր եղջերավոր անասնապահությամբ։ Ստացված բերքը ամբողջությամբ համայնքում վերամշակվում է՝ վերջնական սպառողին մատակարարելով էկոլոգիապես մաքուր, որակյալ և սերտիֆիկացված արտադրանք։ Համայնքում գործող ժամանակակից մեքենատրակտորային կայանը մեծապես ազդում է գյուղատնտեսության արդյունավետության աճին։
Համայնքի ենթակառուցվածքները ամբողջությամբ վերանորոգված են, մեծ ուշադրություն է դարձվում տնտեսական դաշտի ակտիվացմանը նպաստող ենթակառուցվածքների զարգացմանը։
Համայնքում գործում են բազմաթիվ կրթական հաստատություններ (այդ թվում՝ նախադպրոցական) և ուսումնական կենտրոններ, որոնց հիմքում ժամանակակից կրթական մեթոդներ են ընկած։ Նախադպրոցական և միջնակարգ կրթության հետ ակտիվ համագործակցում է ՏՏ ոլորտը՝ պրակտիկ պարապմունքների, գիտափորձերի և լաբորատորիաների միջոցով։
Համայնքում գործող թատրոնը մեծ ճանաչում ունի ՀՀ-ում։
Առավել մանրամասն կից փաստաթղթում՝