Սույն թվականի սեպտեմբերի 20-ին Փարաքար-Էջմիածին մայրուղում անցկացվելու է «Հայաստանի Հանրապետության Վարչապետի գավաթ» խճուղային կրոսավազքի սիրողական մրցաշար։

Մրցաշարի մեկնարկը կտրվի Փարաքար գյուղի մերձակա տարածքից՝ ժամը 13։00-ին։ Մասնակիցները պետք է մրցավայր ներկայանան մրցումներից երկու ժամ առաջ, անձը հաստատող փաստաթղթով։

Մրցաշարին կարող են մասնակցել ցանկություն ունեցող բոլոր քաղաքացիները, ովքեր ունեն ֆիզիկական համապատասխան պատրաստակամություն կամ տեղեկանք առողջության վերաբերյալ և մրցաշարին մասնակցելու հետևանքով առաջացող ռիսկերի գնահատման և ստանձնման պայմանագիր։

Մրցաշարը կանցկացվի 3 տարիքային խմբող և առանձին գործող աթլետ մարզիկների խմբով՝

1) 1-ին տարիքային խումբ՝ 2005-2007 թթ. ծնված դպրոցականների համար (2կմ) (աղջիկներ և տղաներ),

2) 2-րդ տարիքային խումբ՝ 2004-1987 թթ. ծնված կանայք, 2004-1982 թթ. ծնված տղամարդիկ, (10 կմ),

3) 3-րդ տարիքային խումբ՝ 1986 թ. ծնված և բարձր տարիքի կանայք, 1981 թ. ծնված և բարձր տարքի տղամարդիկ, (10կմ),

4) աթլետիկայով զբաղվող ՀՀ քաղաքացիները, առանց տարիքային սահմանափակման խմբով, (10 կմ):

Մրցաշարի բոլոր մասնակիցներին տրվում են համարներ և հավաստագրեր։

Մրցաշարի անցակացման հետ կապված ծախսերը՝ մրցումների անցկացման համար, (կամավորներին սնունդ), մրցավարներին և կամավորներին մարզահագուստ (մարզաշապիկ, գլխարկ), մրցավարների պարգևավճար, մրցանակակիրներին՝ գավաթներ, մեդալներ, հավաստագրեր, շնորհակալագրեր, մարզաշապիկներ, մասնակցության համարներ, 1-ին տարիքային խմբի՝ 1-ին, 2-րդ և 3-րդ տեղերը գրաված դպրոցահասակ տղաներին և աղջիկներին համակարգիչներ, դրամական մրցանակներ 2-րդ և 3-րդ տարիքային խմբերի և առանձնացված գործող աթլետների խմբերի՝ 1-ից 20-րդ տեղեր գրաված մասնակիցներին՝ 1-ին տեղ՝ 1.000.000 ՀՀ դրամ, 2-րդ տեղ՝ 600.000 ՀՀ դրամ, 6-10-րդ տեղերը՝ 75.000 ՀՀ դրամ, 11-20-րդ տեղերը՝ 50.000 ՀՀ դրամ, հարկերը, տուրքերը և պարտադիր վճարները ներառված չեն։

Մասնակիցների գործուղման ծախսերը (գիշերակաց, սնունդ և ճանապարահածախսը) հոգում է գործուղող կազմակերպությունը։

Հայտերը կարող եք ներկայացնել Նաիրիի համայնքապետարանի կրթության, մշակույթի, սպորտի և սոցիալական հարցերի բաժին մինչև սեպտեմբերի 12-ը` ժամը 15։00-ն, կամ զանգահարել նշված հեռախոսահամարով՝ 077 32 32 97։