Համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշման հավելվածով հաստատված կարգի 34,35 և 35.1 կետերի, հիմք ընդունելով Եղվարդ համայնքի ավագանու 2020 թվականի սեպտեմբերի 3-ի N 56 որոշմամբ տրված համաձայնությունը, ինչպես նաև այն հանգամանքը, որ կառույցն իրականացրած անձը` Արթուր Ազատի Թադևոսյանը, ընդունել է ուղղակի վաճառքի միջոցով կառույցը ձեռք բերելու վերաբերյալ իրեն ներկայացված առաջարկությունը՝ որոշում եմ.

1.Ուղղակի վաճառքի միջոցով Արթուր Ազատի Թադևոսյանին (ծնված 1963 թվականի հունվարի 4-ին) օտարել Նաիրի համայնք, գյուղ Զովունի, 1-ին փողոց, 10-րդ նրբանցք, 8/5 հասցեում գտնվող, համայնքային սեփականություն հանդիսացող 07-029-0176-0046 կադաստրային ծածկագրի (անշարժ գույքի նկատմամբ իրավունքների պետական գրանցման վկայական N 02102025-07-0051) 0.1 հա մակերեսով բնակավայրերի նշանակության բնակելի կառուցապատման հողամասը՝ 6834300 դրամ, հողամասի վրա կառուցված 77,47 քմ արտաքին մակերեսով (ներքին մակերես 65,45 քմ) կիսակառույց շինությունը՝ 358842 դրամ արժեքով:

2.Ձևավորված վաճառքի գնին հավելել միավորի նկատմամբ մինչև օտարումը համայնքի անվամբ գույքային իրավունքների պետական գրանցման համար իրականացված վճարները՝ 26000 դրամ, վաճառքի ընդհանուր արժեքը սահմանել 7219142 դրամ: