Այսօր: Չորեքշաբթի, 20 Հունիսի 2018թ.
Եղվարդի համայնքապետարանի պաշտոնական կայք
Հյուրերի քանակը՝ 939
ԿՈՏԱՅՔԻ ՄԱՐԶԻ ԵՂՎԱՐԴ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ


ՆՈՐՈՒԹՅՈՒՆՆԵՐ
06.06.18 ՀՀ Կոտայքի մարզպետի այցը Եղվարդի համայնքապետարան
Այսօր ՀՀ Կոտայքի մարզպետ Ռ. Պետրոսյանը հերթական աշխատանքային այցերի շրջանակներում եղավ Եղվարդի համայնքապետարանում: Մարզպետը ծանոթացավ համայնքապետարանի գործունեության ուղղություններին, հանդիպում ունեցավ համայնքային ծառայողների հետ: Եղվարդ համայնքի ղեկավար Ն. Սարգսյանը մարզպետին ներկայացրեց համայնքային ընդհանուր ցուցանիշները, տեղեկություններ տրամադրեց համայնքի զարգացման ծրագրով նախատեսված գործառույթների ընթացքի և հետագա անելիքների վերաբերյալ: Մարզպետ Ռ. Պետրոսյանի կողմից կարևորվեց տեղական ինքնակառավարման մարմինների արդյունավետ գործունեության ապահովումը: Մարզպետն ընդգծեց համայնքային գործընթացներում նոր որակի բարեփոխումներ իրականացնելու անհրաժեշտությունը և փաստեց, որ առաջիկայում այդ ասպարեզում կատարվելու ... Մանրամասն
01.06.18 Հայաստանի առաջին հանրապետության և մայիսյան հերոսամարտերի 100-ամյակին նվիրված միջոցառում Զովունիում

Մայիսի 29-ին Զովունու մշակույթի կենտրոնում տեղի ունեցավ Հայաստանի առաջին հանրապետության և մայիսյան հերոսամարտերի 100-ամյակին նվիրված միջոցառում՝ մշակույթի կենտրոնի և Զովունու Ռ. Բաղդասարյանի անվան միջնակարգ դպրոցի շնորհալի սաների մասնակցությամբ: Միջոցառումը կազմակերպվել էր Զովունու մշակույթի կենտրոնի տնօրեն Նարեկ Արշակյանի, գեղարվեստական ղեկավար Արարատ Արշակյանի, Զովունու Ռ. Բաղդասարյանի անվան միջնակարգ դպրոցի ուսուցչուհի Քրիստինե Վասիլյանի համատեղ ջանքերով: Միջոցառմանը ներկա էին Եղվարդի փոխհամայնքապետ Ջանիբեկ Հայրապետյանը, Զովունի վարչական տարածքի ղեկավար Վրույր Սիմոնյանը, Եղվարդ համայնքի ավագանու անդամներ:

30.05.18 Նոր նվաճումներ
Եղվարդի արվեստի դպրոցի սաների ձեռքբերումներն ու հաղթանակներն այլևս չեն զարմացնում, սակայն շարունակում են հիացնել և ոգևորել մեզ՝ համայնքի բնակիչներիս: Դպրոցի տաղանդավոր սաներն ընթացիկ տարում արդեն հասցրել են բազմաթիվ հաջողություններ գրանցել և դպրոցի շտեմարանը հարստացնել մեծ քանակությամբ մրցանակներով, մեդալներով ու դիպլոմներով: Այսպես, <<Արտ Մյուզիք>> արվեստի միջազգային իններորդ մրցույթ-փառատոնից մեր դուդուկահարները բերեցին երկու 1-ին, մեկ 3-րդ կարգի և մեկ մեծ մրցանակ (Վահագն Ղ արիբյան), մեկ 1-ին կարգի դիպլոմ, երգչախումբը՝ 1-ին կարգի մրցանակ, գեղարվեստի բաժնի սաները՝ 3-րդ կարգի մրցանակներ: Գյումրիի <<Վերածնունդ>> միջազգային մրցույթ-փառատոնում դուդուկահարների կողքին աչքի ... Մանրամասն
22.05.18 Շարադրությունների մրցույթի մրցանակաբաշխություն
Այսօր՝ մայիսի 22-ին, Եղվարդի համայնքապետարանի նիստերի դահլիճում տեղի ունեցավ Հայաստանի առաջին հանրապետության և մայիսյան հերոսամարտերի 100-ամյակին նվիրված համայնքային միջոցառումների շրջանակներում նախապես հայտարարված ստեղծագործական շարադրությունների մրցույթի մրցանակաբաշխությունը: Մրցույթին մասնակցել էին համայնքի բոլոր դպրոցները: Լավագույն աշխատանքների հեղինակները՝ 9-12-րդ դասարանների թվով 21 պատանիներ և աղջիկներ, համայնքապետարանի կողմից ստացան պատվոգրեր և մրցանակներ: Համայնքի ղեկավարի կողմից շնորհակալական ջերմ խոսքերի և ծաղկեփնջերի արժանացան մասնակից աշակերտների ուսուցիչները: Հանդիսավոր արարողությանը հրավիրված էին նաև Եղվարդ համայնքի վարչական ղեկավարները, դպրոցների տնօրեններն ու փոխտնօրենները: ... Մանրամասն
09.05.18 Հաղթանակի և խաղաղության օր
Հաղթանակի և խաղաղության օրը՝ Մայիսի 9-ը, ամբողջ համայնքով նշելը Եղվարդի ամենագեղեցիկ ավանդույթներից մեկն է: Այսօր էլ համայնքի բնակիչները, ընտանիքներով, աշխատանքային կոլեկտիվներով, ի նշան խորին հարգանքի ու երախտագիտության, բազմաթիվ ծաղիկներ ու ծաղկեպսակներ դրեցին Մեծ հայրենականի և Արցախյան պատերազմի զոհերի հիշատակը հավերժացնող հուշակոթողների առջև: Միջոցառմանը մասնակցում էին Հայրենական պատերազմի և Արցախյան հերոսամարտի եղվարդցի վետերանները: Համայնքի բնակչությանն իրենց շնորհավորանքի խոսքն ուղղեցին համայնքի ղեկավար Նորայր Սարգսյանը և Եղվարդի Սուրբ Սարգիս եկեղեցու քահանա Տեր Հովսեփ Ալեքսանյանը: Միջոցառումն ուղեկցվեց եղվարդցի շնորհալի պատանիների խոսքով ու ասմունքով և ավարտվեց հանդիսությունների սրահում՝ ... Մանրամասն
25.04.18 Ցեղասպանության զոհերի հիշատակի օր

Ինչպես ամեն տարի, այս անգամ ևս ապրիլի 24-ին Եղվարդի ողջ բնակչությունը, համայնքի ղեկավար Նորայր Սարգսյանի գլխավորությամբ, այցելեց Ս. Աստվածածին եկեղեցի՝ միասին հարգելու Մեծ Եղեռնի զոհերի հիշատակը: Եկեղեցու բակում այցելուներին դիմավորեց Եղվարդի հոգևոր առաջնորդ Տեր Հովնանը: Եղեռնի 100-ամյակին նվիրված խաչքարի առջև հայրենասիրական ասմունքով ելույթ ունեցան Եղվարդի դպրոցականները, որից հետո բոլոր մասնակիցները միասին երգեցին հայրենասիրական երգեր: Արարողությանը մասնակցեցին քաղաքի երեք դպրոցների, մանկապարտեզի, համայնքապետարանի, ոստիկանության և բոլոր հիմնարկ-ձեռնարկությունների կոլեկտիվները՝ ծաղկեպսակներ դնելով և ծաղիկներ խոնարհելով Եղեռնի զոհերի հիշատակին նվիրված հուշաքարի առջև:

16.04.18 Այցելություն Սարդարապատի հուշահամալիր

Հայաստանի առաջին հանրապետության և մայիսյան հերոսամարտերի 100-ամյակի շրջանակներում Եղվարդի համայնքապետարանի նախաձեռնությամբ կազմակերպվել էր այցելություն Սարդարապատի հուշահամալիր և Ազգագրության և ազատագրական պայքարի պատմության ազգային թանգարան: Այցելության 1-ին փուլին մասնակցեցին Արագյուղի, Զորավանի, Սարալանջի և Բուժականի դպրոցների 8-9-րդ դասարանների մոտ 120 աշակերտներ: 2-րդ փուլն իրականացվեց ապրիլի 15-ին, որին մասնակցեցին Եղվարդի և Զովունու դպրոցների ավելի քան 170 աշակերտներ: Հոբելյանական միջոցառումները շարունակական կլինեն:

1 2 3 4 5 6 7 8 9 10 ...


Բոլորը
ԱՎԱԳԱՆՈՒ ՆԻՍՏԵՐ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք. Եղվարդ, Երևանյան 1

(0224) 2-11-10

yeghvard.kotayq@mta.gov.am

Պաշտոնական էլ. փոստ` 10024792@e-citizen.am
(միայն www.e-citizen.am համակարգով ծանուցումների համար)



© 2008 - 2018 Հեղինակային իրավունքները պաշտպանված են
ԿՈՏԱՅՔԻ ՄԱՐԶԻ ԵՂՎԱՐԴԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.02
ԲԿԳ Մրցանակ 2015 - OGP Award 2015
2015 Regional Winner