Համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10-րդ, 11-րդ և 18-րդ կետերի, հիմք ընդունելով Կարինե Մարգարյանի կողմից 2018 թվականի դեկտեմբերի 7-ին Եղվարդ համայնքի ղեկավարին ներկայացված դիմումը, <<ՍԿԶԲՆԱԿԵՏ 2012>> ՍՊԸ-ի կողմից տրված եզրակացությունը, և այն հանգամանքը, որ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի առաջացնում քաղաքացիների կյանքին և առողջությանը, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք՝ որոշում եմ.
1. Գյուղ Զովունի, 4-րդ փողոց, 2/1 հասցեում գտնվող, սեփականության իրավունքով Կարինե Մարգարյանին պատկանող 07-029-0034-0082 կադաստրային համարի հողամասում 2018 թվականին ինքնակամ կառուցված 519,7 քմ արտաքին մակերեսով բնակելի տունը ճանաչել օրինական:
2․ Կառուցապատումն իրականացրած անձի կողմից 60-օրյա ժամկետում օրինականացման ընդհանուր գումարը՝ 1351220 դրամ չվճարելու դեպքում սույն որոշումը համարել ուժը կորցրած;