Համաձայն <<Նորմատիվ իրավական ակտերի մասին>> օրենքի 37-րդ հոդվածի 1-ին մասի, Հայաստանի Հանրապետության կառավարության 2006 թվականի մայիսի 18-ի N 912-Ն որոշման հավելվածով հաստատված կարգի 34,35 և 35.1 կետերի, հիմք ընդունելով Եղվարդ համայնքի ավագանու 2020 թվականի սեպտեմբերի 3-ի N 56 որոշմամբ տրված համաձայնությունը, ինչպես նաև այն հանգամանքը, որ կառույցն իրականացրած անձը` Վիլյուշ Թորգոմի Սահակյանը, ընդունել է ուղղակի վաճառքի միջոցով կառույցը ձեռք բերելու վերաբերյալ իրեն ներկայացված առաջարկությունը՝ որոշում եմ.
1. Ուղղակի վաճառքի միջոցով Վիլյուշ Թորգոմի Սահակյանին (ծնված 1960 թվականի հունվարի 8-ին) օտարել Նաիրի համայնք, գյուղ Պռոշյան, Բարեկամության փողոց, 2/3 հասցեում գտնվող, համայնքային սեփականություն հանդիսացող 07-053-0049-0051 կադաստրային ծածկագրի (անշարժ գույքի նկատմամբ իրավունքների պետական գրանցման վկայական N 07032024-07-0002) 0,01044 հա մակերեսով բնակավայրերի նշանակության բնակելի կառուցապատման հողամասը՝ 713501 դրամ, հողամասի վրա կառուցված 149,3 քմ արտաքին մակերեսով (ներքին մակերես՝ 132,5 քմ) ավտոտնակ-անասնաշենքը՝ 691558 դրամ արժեքով:
2.Ձևավորված վաճառքի գնին հավելել միավորի նկատմամբ մինչև օտարումը համայնքի անվամբ գույքային իրավունքների պետական գրանցման համար իրականացված վճարները՝ 26000 դրամ, վաճառքի ընդհանուր արժեքը սահմանել 1431059 դրամ:
3․Ուժը կորցրած ճանաչել Նաիրի համայնքի ղեկավարի 2024 թվականի ապրիլի 9-ի <<Գույքի օտարման մասին>> N 2057-Ա որոշումը։