Համաձայն <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի, Հողային օրենսգրքի 66-րդ հոդվածի 1-ին մասի 8-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ և 3-րդ ենթակետերի, հիմք ընդունելով քաղաքացի Արա Դավոյանի լիազոր անձ Արտյոմ Վազգենի Նավիկյանի 2025 թվականի հունիսի 6-ի դիմումը՝ Նաիրի համայնքի ավագանին որոշում է․

1․Նաիրի համայնքի Զովունի գյուղի վարչական տարածքում գտնվող, սեփականության իրավունքով Արա Դավոյանին պատկանող 07-029-0091-0013 և 07-029-0091-0002 կադաստրային ծածկագրերի հողամասերին կից, համայնքային սեփականություն հանդիսացող 07-029-0091-0015 կադաստրային ծածկագրի (անշարժ գույքի նկատմամբ իրավունքների պետական գրանցման վկայական N 06062025-07-0047) 0,01648 հա հողամասը ընդլայնման նպատակով, ուղղակի վաճառքով օտարել Արա Դավոյանին՝ 1732675 (մեկ միլիոն յոթ հարյուր երեսուներկու հազար վեց հարյուր յոթանասունհինգ) դրամ կադաստրային արժեքով։

2․ Սույն որոշումն ուժի մեջ է մտնում ստորագրման օրվանից։