Համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10-րդ, 11-րդ և 18-րդ կետերի, հիմք ընդունելով Նաիրի համայնքի ղեկավարին 2024 թվականի ապրիլի 1-ին Կարեն Ստեփանի Ղազարյանի կողմից ներկայացված դիմումը, ԱՁ Սևան Թովմասյանի կողմից տրված եզրակացությունը և այն հանգամանքը, որ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի առաջացնում քաղաքացիների կյանքին և առողջությանը, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք՝ որոշում եմ.

1․Գյուղ Քասախ, Ն. Ավետիսյան փողոց, 2-րդ նրբանցք, 2 հասցեում գտնվող, սեփականության իրավունքով Կարեն Ստեփանի Ղազարյանին պատկանող 07-065-0066-0004 կադաստրային ծածկագրի տակ գտնվող հողամասում (չափագրման տվյալների մուտքագրման ծածկագիր 2023SK5KLP) առկա 2018 թվականին ինքնակամ կառուցված 12,2 քմ արտաքին մակերեսով բնակելի տունը, 13,7 քմ մակերեսով պարիսպը ճանաչել օրինական։

2․Կառուցապատումն իրականացրած անձի կողմից 30-օրյա ժամկետում օրինականացման ընդհանուր գումարը՝ 55645 դրամը, չվճարելու դեպքում սույն որոշումը համարել ուժը կորցրած: