Համաձայն <<Նորմատիվ իրավական ակտերի մասին>> օրենքի 37-րդ հոդվածի 1-ին մասի, <<Քաղաքաշինության մասին>>  օրենքի 143-րդ հոդվածի 12-րդ մասի, հիմք ընդունելով Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի եզրակացությունը և Նաիրի համայնքի ավագանու 2025 թվականի սեպտեմբերի 12-ի N 150-Ա որոշմամբ հաստատված համաձայնությունը, Հայաստանի Հանրապետության կառավարության 2002 թվականի փետրվարի 2-ի N 88 որոշման, հիմք ընդունելով Նաիրի համայնքի ղեկավարին 2025 թվականի նոյեմբերի 18-ին Սամսոն Գագիկի Սամսոնյանի կողմից ներկայացված դիմումը և այն հանգամանքը, որ գոյություն ունեցող շինությունը կոնստրուկտիվ կամ ծավալային փոփոխությունների չի ենթարկվելու և չկա ճարտարապետահատակագծային առաջադրանքի և շինարարության թույլտվության տրամադրման անհրաժեշտություն՝ որոշում եմ.

1․ Նաիրի համայնքի Քասախ գյուղում գտնվող, սեփականության իրավունքով Սամսոն Գագիկի Սամսոնյանին պատկանող 07-065-0091-0075 կադաստրային ծածկագրի 0,85 հա մակերեսով արդյունաբերության, ընդերքօգտագործման և այլ արտադրական նպատակային նշանակության գյուղատնտեսական արտադրական օբյեկտների հողամասը համարել փոխադրված բնակավայրերի նշանակության բնակելի կառուցապատման հողերի կատեգորիա:

2․Նաիրի համայնքի Քասախ գյուղում գտնվող, սեփականության իրավունքով Սամսոն Գագիկի Սամսոնյանին պատկանող 07-065-0091-0075 կադաստրային ծածկագրի 1812 քմ մակերեսով անասնաշենքի գործառնական նշանակությունը փոփոխել բնակելի տան:

3.Նաիրի համայնքի ավագանու 2024 թվականի հոկտեմբերի 22-ի N 207-Ն որոշմամբ հաստատված Քասախ գյուղի գլխավոր հատակագծի մեջ կատարել համապատասխան փոփոխություն:

4․Ուժը կորցրած ճանաչել Նաիրի համայնքի ղեկավարի 2025 թվականի սեպտեմբերի 24-ի <<Հողամասի նպատակային նշանակությունը փոփոխված համարելու մասին>> N 4541-Ա որոշումը։