Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի,  «Աղբահանության և սանիտարական մաքրման մասին» օրենքի 20-րդ հոդվածի 2-րդ մասի 1-ին կետի , «Վարչարարության հիմունքների և վարչական վարույթի մասին»  օրենքի 30-րդ հոդվածի 1-ին մասի «բ» ենթակետի, 53-րդ, 58-60-րդ հոդվածների, հիմք ընդունելով վարչական վարույթի լսումների վերաբերյալ 2025 թվականի հուլիսի 29-ի  N 5 արձանագրությունը և հաշվի առնելով այն հանգամանքը, որ «Հասմիկ Կարապետյան»   ԱՁ-Ն  չի կատարել աղբահանության գծով պարտավորությունները, որը  2025 թվականի հուլիսի 30-ի  դրությամբ կազմում է  50000 դրամ, որոշում եմ՝ 

1.«Հասմիկ Կարապետյան»   ԱՁ-ից հօգուտ Նաիրի համայնքի բյուջե գանձել 50․000 դրամ  գումար՝ որպես  աղբահանության վճար  (վճարման  հաշվեհամար՝ 900115001613):

2.Սույն որոշումը կարող է վարչական կարգով  բողոքարկվել Նաիրի համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:

3.Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին»  օրենքի 88-րդ հոդվածով սահմանված կարգով այն ենթակա է հարկադիր կատարման՝ Հայաստանի Հանրապետության արդարադատության նախարարության հարկադիր կատարման ծառայության միջոցով՝ անբողոքարկելի դառնալուց եռամսյա ժամկետում:

4.Սույն որոշումն ուժի մեջ է մտնում «Հասմիկ Կարապետյան»   ԱՁ-ին  որոշման ընդունման մասին իրազեկելու օրվան հաջորդող օրվանից: