Համաձայն <<Քաղաքաշինության մասին>>  օրենքի 143-րդ հոդվածի 12-րդ մասի, հիմք ընդունելով Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի եզրակացությունը և Նաիրի համայնքի ավագանու 2023 թվականի սեպտեմբերի 12-ի N 208-Ա որոշմամբ հաստատված համաձայնությունը՝ որոշում եմ.

1.Նաիրի համայնքի Զովունի գյուղում գտնվող, սեփականության իրավունքով Հասմիկ, Հովհաննես, Աննա, Արբակ Առաքելյաններին պատկանող 07-029-0251-0003 կադաստրային ծածկագրի 0.3711 հա մակերեսով գյուղատնտեսական նշանակության հողամասից 07-029-0251-0025 կադաստրային ծածկագրի 0,07087 հա-ի նպատակային նշանակությունը համարել փոխադրված բնակավայրերի նշանակության բնակելի կառուցապատման հողերի կատեգորիա: 

2. Հայաստանի Հանրապետության Կոտայքի մարզի Զովունի համայնքի ավագանու 2016 թվականի հոկտեմբերի 26-ի N 43 որոշմամբ հաստատված Զովունի բնակավայրի գլխավոր հատակագծի մեջ կատարել համապատասխան փոփոխություն:

3. Սեփականատերերի կողմից 30-օրյա ժամկետում հողամասի կադաստրային արժեքների տարբերությունը՝ 4727596 դրամ գումարը, չվճարելու դեպքում սույն որոշումը համարել ուժը կորցրած: