Համաձայն Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի,  հիմք ընդունելով Նաիրի համայնքի ղեկավարին 2024 թվականի նոյեմբերի 27-ին Սերգեյ Ռուդիկի Եղիազարյանի կողմից ներկայացված դիմումը և այն հանգամանքը, որ Նաիրի համայնքի ավագանու 2024 թվականի հոկտեմբերի 22-ի N 207-Ն որոշմամբ հաստատված Զովունի բնակավայրի գլխավոր հատակագծով  հողամասը նախատեսված է որպես բնակավայրերի նշանակության խառը կառուցապատման հողամաս, ինչպես նաև այն հանգամանքը որ հողամասի գործառնական նշանակության փոփոխությունը չի հանգեցնում գլխավոր հատակագծի հիմնական նախագծային լուծումների փոփոխության՝ որոշում եմ.

1. Նաիրի համայնքի Զովունի գյուղում գտնվող, սեփականության իրավունքով Սերգեյ Ռուդիկի Եղիազարյանին պատկանող  07-029-0224-0154 կադաստրային ծածկագրի 0.05008 հա գյուղատնտեսական նշանակության հողամասը համարել փոխադրված բնակավայրերի նշանակության խառը կառուցապատման հողերի կատեգորիա:

2․ Նաիրի համայնքի Զովունի գյուղում գտնվող, սեփականության իրավունքով Սերգեյ Ռուդիկի Եղիազարյանին պատկանող  07-029-0224-0154 կադաստրային ծածկագրի 0.05008 հա բնակավայրերի նշանակության խառը կառուցապատման հողամասի գործառնական նշանակությունը փոխել բնակելի կառուցապատման։

3.Քաղաքացի Սերգեյ Ռուդիկի Եղիազարյանի կողմից 30-օրյա ժամկետում հողամասի կադաստրային արժեքների տարբերությունը` 3400833 դրամ գումարը, չվճարելու դեպքում սույն որոշումը համարել ուժը կորցրած: