Համաձայն <<Նորմատիվ իրավական ակտերի մասին>> օրենքի 37-րդ հոդվածի 1-ին մասի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10-րդ, 11-րդ և 18-րդ կետերի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի,  հիմք ընդունելով Նաիրի համայնքի ղեկավարին Արթուր Սամվելի Խուդինյանի կողմից ներկայացված դիմումը, «Արդիլիս» ՍՊԸ-ի կողմից տրված եզրակացությունը և այն հանգամանքը, որ Նաիրի համայնքի ավագանու 2024 թվականի հոկտեմբերի 22-ի N 207-Ն որոշմամբ հաստատված Զովունի բնակավայրի գլխավոր հատակագծով  հողամասը նախատեսված է որպես բնակավայրերի նշանակության խառը կառուցապատման հողամաս, ինչպես նաև այն հանգամանքը որ հողամասի գործառնական նշանակության փոփոխությունը չի հանգեցնում գլխավոր հատակագծի հիմնական նախագծային լուծումների փոփոխության՝ որոշում եմ.

1.Նաիրի համայնքի Զովունի գյուղում գտնվող, սեփականության իրավունքով Արթուր Սամվելի Խուդինյանին պատկանող  07-029-0219-0023 կադաստրային ծածկագրի 0.09 հա գյուղատնտեսական նշանակության հողամասից 0,0168 հա հողամասի նշանակությունը համարել փոխադրված բնակավայրերի նշանակության խառը կառուցապատման հողերի կատեգորիա:

2․Նաիրի համայնքի Զովունի գյուղում գտնվող, սեփականության իրավունքով Արթուր Սամվելի Խուդինյանին պատկանող  07-029-0219-0023 կադաստրային ծածկագրի 0.09 հա գյուղատնտեսական նշանակության հողամասից 0,0168 հա բնակավայրերի նշանակության խառը կառուցապատման հողամասի գործառնական նշանակությունը փոխել բնակելի կառուցապատման։

3․Նաիրի համայնքի Զովունի գյուղում գտնվող,  սեփականության իրավունքով Արթուր Սամվելի Խուդինյանին  պատկանող 07-029-0219-0023 կադաստրային ծածկագրից 0,0168 հա հողամասում (չափագրման տվյալների մուտքագրման ծածկագիր 20223QCJSX) առկա 2020 թվականին ինքնակամ կառուցված 120.0 քմ արտաքին մակերեսով բնակելի տունը ճանաչել օրինական։ 

4.Քաղաքացի Արթուր Սամվելի Խուդինյանի կողմից 30-օրյա ժամկետում հողամասի կադաստրային արժեքների տարբերությունը` 1120695 դրամ գումարը, չվճարելու դեպքում սույն որոշումը համարել ուժը կորցրած:

5․Կառուցապատումն իրականացրած անձի կողմից 30-օրյա ժամկետում օրինականացման ընդհանուր գումարը՝ 277920 դրամը, չվճարելու դեպքում սույն որոշումը համարել ուժը կորցրած:

6․Ուժը կորցրած ճանաչել Նաիրի համայնքի ղեկավարի 2025 թվականի մարտի 10-ի <<Հողամասի նպատակային, գործառնական նշանակությունը փոփոխելու և ինքնակամ կառույցները օրինակացնելու մասին>> N 1000-Ա որոշումը։