Համաձայն Հողային օրենսգրքի 7-րդ հոդվածի 15-րդ մասի, հիմք ընդունելով Անի Արթուրի Ազիզխանյանի դիմումը` Նաիրի համայնքի ավագանին որոշում է. 

1. Նաիրի համայնքի Արագյուղ գյուղում գտնվող, սեփականության իրավունքով Անի Արթուրի Ազիզխանյանին պատկանող 07-012-0232-0021 կադաստրային ծածկագրի 1,4655 հա գյուղատնտեսական նշանակության հողամասի նպատակային նշանակությունը փոխադրել արդյունաբերության, ընդերքօգտագործման և այլ արտադրական նշանակության օբյեկտների հողերի, գործառնական նշանակությունը` գյուղատնտեսական արտադրական օբյեկտների` գյուղատնտեսական մթերքների վերամշակման տնտեսություն կառուցելու նպատակով:

2.Հողի նպատակային նշանակության փոփոխությունը ներառել հողային ֆոնդի ընթացիկ հաշվառման տվյալներում և ամենամյա հողային հաշվեկշռում:

3.Սույն որոշումն ուժի մեջ է մտնում ստորագրման պահից: