Համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10-րդ, 11-րդ և 18-րդ կետերի, հիմք ընդունելով Նաիրի համայնքի ղեկավարին 2025 թվականի մայիսի 22-ին Էլմիրա Վարդանյանի կողմից ներկայացված դիմումը, «Արդիլիս» ՍՊԸ-ի կողմից տրված եզրակացությունը և այն հանգամանքը, որ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի առաջացնում քաղաքացիների կյանքին և առողջությանը, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք՝ որոշում եմ.

1․Նաիրի համայնք, գյուղ Զովունի, 8-րդ փողոց, թիվ 71-1/1 հասցեում գտնվող, սեփականության իրավունքով Էլմիրա Վարդանյանին պատկանող 07-029-0041-0027 կադաստրային ծածկագրի տակ գտնվող հողամասում (չափագրման տվյալների մուտքագրման ծածկագիր  2022PTRFFJ) առկա 2011 թվականին ինքնակամ կառուցված 98.27 քմ արտաքին մակերեսով բնակելի տունը, 28.76 քմ արտաքին մակերեսով ավտոտնակը, 1,84 քմ մակերեսով պարիսպը ճանաչել օրինական։ 

 2․Կառուցապատումն իրականացրած անձի կողմից 30-օրյա ժամկետում օրինականացման ընդհանուր գումարը՝ 317816 դրամը, չվճարելու դեպքում սույն որոշումը համարել ուժը կորցրած: