Համաձայն Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի,  Հայաստանի Հանրապետության կառավարության 2002 թվականի փետրվարի 2-ի N 88 որոշման, հիմք ընդունելով Նաիրի համայնքի ղեկավարին 2024 թվականի հոկտեմբերի 7-ին Անդրանիկ Մկրտչյանի ներկայացրած դիմումը և այն հանգամանքը, որ հողամասի գործառնական նշանակության փոփոխությունը չի հանգեցնում գլխավոր հատակագծի հիմնական նախագծային լուծումների փոփոխության, և գոյություն ունեցող շինությունը կոնստրուկտիվ կամ ծավալային փոփոխությունների չի ենթարկվելու և չկա ճարտարապետահատակագծային առաջադրանքի և շինարարության թույլտվության տրամադրման անհրաժեշտություն՝ որոշում եմ.

1. Նաիրի համայնք, քաղաք Եղվարդ, Երևանյան թաղամասի 1-ին փողոց, 30 հասցեում գտնվող, սեփականության իրավունքով իրեն պատկանող 07-004-0246-0001 կադաստրային ծածկագրի 0,08 հա բնակավայրերի նշանակության բնակելի կառուցապատման հողամասի գործառնական նշանակությունը փոփոխել հասարակական կառուցապատման, հողամասում առկա 280,22 քմ մակերեսով կցաշարով բնակելի տների  գործառնական նշանակությունը՝  հասարակական նշանակության օբյեկտի, իսկ 103,72 քմ մակերեսով օժանդակ շինության գործառնական նշանակությունը՝ խոհանոցի:

2.Սույն որոշումն ուժի մեջ է մտնում ստորագրման պահից: