Նաիրիի համայնքապետարանի պաշտոնական կայք

27.07.25 ՎԱՐԴԱՎԱՌԸ ՆԱԻՐԻ ՀԱՄԱՅՆՔՈՒՄ

Նաիրի համայնքում այսօր տրամադրությունը տոնական էր։

Ինչպես ամեն տարի, այս տարի նույնպես Նաիրիի համայնքապետարանի նախաձեռնությամբ համայնքի բոլոր բնակավայրերում երեխաներն ու մեծերը տոնեցին Վարդավառը։

Ուրախ երաժշտությունը, շա՜տ փրփուրն ու ջուրը ապահովեցին բարձր տրամադրություն:

Ֆոտոպատմություն՝

26.06.25 ԿԱՅԱՑԱՎ ՆԱԻՐԻ ՀԱՄԱՅՆՔԻ ԱՐՎԵՍՏԻ ԴՊՐՈՑՆԵՐԻ ԳԱԼԱ ՀԱՄԵՐԳԸ

Երեկ Եղվարդի արվեստի դպրոցի դահլիճում կայացավ Նաիրի համայնքի արվեստի դպրոցների Գալա համերգը։Եղվարդի և Քասախի արվեստի դպրոցների, Պռոշյանի «Կարոտ Մկրտչյան» մշակույթի կենտրոնի, Զովունիի երաժշտական դպրոցի, «Արս Մաժոր» արվեստի դպրոցի սաները հանդիսատեսին ներկայացան երաժշտական փայլուն կատարումներով։ Անցած ուսումնական տարվա ընթացքում մեր համայնքի շնորհաշատ սաները զբաղեցրել են հանրապետական և միջազգային մի շարք երաժշտական փառատոների պատվավոր հորիզոնականներ։Համերգին ներկա էին Նաիրի համայնքի ղեկավար Նորայր Սարգսյանը, Եղվարդի սբ. Աստվածածին եկեղեցու հոգևոր հովիվ Տեր Հովնան քահանա Մաթևոսյանը, Եղվարդի Սուրբ Սարգիս եկեղեցու հոգևոր սպասավոր Տեր Աբել քահանա Ստեփանյանը, ավագանու անդամներ, ... Մանրամասն

01.06.25 ՆԱԻՐԻ ՀԱՄԱՅՆՔԻ ՂԵԿԱՎԱՐ ՆՈՐԱՅՐ ՍԱՐԳՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱ ԱՌԹԻՎ

Սիրելի՛ երեխաներ,Շնորհավորում եմ բոլորիդ հունիսի 1-ի՝ Երեխաների պաշտպանության միջազգային օրվա առթիվ։Մաղթում եմ, որ մշտապես շրջապատված լինեք ընտանեկան սիրով, անսահման ջերմությամբ ու հոգատարությամբ, ձեզ ժպտացող հայացքներով։Դուք եք մեր երկրի ապագան , մեր հույսերի ու ամենանվիրական երազանքների կրողը։ Ջանացեք վայելել մանկության ամենաքաղցր ու պարզ օրերը, որոնք անդառնալի են ու ձեր կյանքում թողնելու են անմոռանալի ջերմ հիշողություններ։Այս նշանակալի օրը մեզ՝ ավագներիս, ևս մեկ անգամ հիշեցնում է երեխաների բարօրության ապահովման և համակողմանի զարգացման խիստ կարևորության ու անհրաժեշտության մասին։Յուրքանչյուրիս ցանկությունն ու առաքելությունն է երեխայի համար ապահովել բացառապես որակյալ կրթության բազմաշերտ հնարավորություն ... Մանրամասն

01.06.25 ԵՂՎԱՐԴԻ ԶԲՈՍԱՅԳԻՆ ԱՅՍՕՐ ՄԱՐԴԱՇԱՏ ԷՐ

Եղվարդի զբոսայգին այսօր առավել քան մարդաշատ էր։

Նաիրիի համայնքապետարանը կազմակերպել էր տոնական գեղեցիկ միջոցառում` նվիրված Երեխաների պաշտպանության միջազգային օրվան:

Վառ գույներով, հեքիաթների հերոսներով, հետաքրքիր և տպավորիչ շոու ծրագրերով, գունագեղ փուչիկներով, երգ ու պարով էր լցված զբոսայգին, որտեղ հավաքվել էին մանուկներ Նաիրի համայնքի բոլոր բնակավայրերից։

Տոնական վառ տրամադրությունն ապահովեցին մեր համայնքի շնորհաշատ երեխաները՝ իրենց փայլուն ելույթներով, հրավիրված խաղավարները, մուլտհերոսները՝ դարձնելով փոքրիկների օրն էլ ավելի անմոռանալի։ Դե, էլ ինչ հունիսի 1 առանց համեղ պաղպաղակների։ Տոնական միջոցառումներ իրականացվել են Նաիրի համայնքի բոլոր բնակավայրերում։

Ֆոտոպատմություն

28.05.25 ՆԱԻՐԻ ՀԱՄԱՅՆՔԻ ՂԵԿԱՎԱՐ ՆՈՐԱՅՐ ՍԱՐԳՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՌԱՋԻՆ ՀԱՆՐԱՊԵՏՈւԹՅԱՆ ՏՈՆԻ ԱՌԹԻՎ

Սիրելի՛ հայրենակիցներ,Շնորհավորում եմ բոլորիս Հայաստանի Առաջին Հանրապետության օրվա առթիվ։Մեր ժողովրդի բազմադարյան պատմության մեջ մայիսի 28-ը խորհրդանշում է հայ ժողովրդի անկոտրում կամքն ու ազատության ձգտումը, պատմական հողի վրա անկախ պետականության վերահաստատման իրավունքը։ 107 տարի առաջ այս օրը՝ 1918 թվականին, Հայաստանի ազգային խորհուրդը հռչակեց Հայաստանի անկախությունը՝ որպես ինքնիշխան պետություն:Նորաստեղծ պետությունը դարձավ ամենաառաջադեմ գաղափարների կրողը, ծավալեց համընդհանուր պայքար՝ հասնելու դարասկզբի ժողովրդավարության և իրավունքի ամենաբարձր նշաձողին՝ պետականորեն որդեգրելով համամարդկային ու ազգային արժեքներ։Միաժամանակ հայ ժողովուրդը կայացավ որպես իր պատմական հայրենիքում ինքնորոշվող, ազգային և ... Մանրամասն

23.05.25 ՆԱԻՐԻ ՀԱՄԱՅՆՔԻ ՂԵԿԱՎԱՐ ՆՈՐԱՅՐ ՍԱՐԳՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՇՐՋԱՆԱՎԱՐՏՆԵՐԻՆ

Սիրելի՛ շրջանավարտներ,Այսօր դուք ապրում եք ձեր կյանքի ամենավառ, ամենայուրահատուկ օրերը, դուք հրաժեշտ եք տալիս հարազատ դարձած կրթօջախին, ձեզ համար սկսվում է կյանքի նոր փուլ, որի առթիվ սրտանց և ջերմորեն շնորհավորում եմ ձեզ՝ մաղթելով լուսավոր ուղի։Ձեր ուսուցիչների, ծնողների, ավագ ընկերների ամենօրյա ջանքերի շնորհիվ, անշուշտ, դպրոցում դուք ձեռք եք բերել կայուն գիտելիքներ, հայեցի մտածողություն, ստացել ազգային և համամարդկային արժեքների ոգով դաստիարակություն։ Այժմ դուք պատրաստ եք ցանկացած դժվարություն հաղթահարելու, ունեք մարտահրավերների դիմակայելու կամք և ընդունակություն։Դպրոցական ուսումնառության ավարտը խորհրդանշող վերջին զանգն ունի կարևոր խորհուրդ այն ձեզ առաջնորդում է դեպի ինքնադրսևորման և ինքնահաստատման ... Մանրամասն

23.05.25 ՀՆՉԵՑ 2024-25 ՈՒՍՈՒՄՆԱԿԱՆ ՏԱՐՎԱ ԱՎԱՐՏՆ ԱԶԴԱՐԱՐՈՂ ՎԵՐՋԻՆ ԶԱՆԳԸ

Այսօր հնչեց 2024-25 ուսումնական տարվա ավարտն ազդարարող վերջին զանգը։ Ինչպես ամեն տարի, այս տարի նույնպես Նաիրի համայնքի ղեկավար Նորայր Սարգսյանն այցելեց համայնքի մի շարք դպրոցներ։

Համայնքի ղեկավարը եղավ Եղվարդի N1 ավագ, Զովունիի Ռ․ Բաղդասարյանի անվան միջնակարգ և Քասախի Ռ. Գևորգյանի անվան N1 միջնակարգ դպրոցներում ողջույնի և բարեմաղթանքի ջերմ խոսքեր ուղղելով շրջանավարտներին, ուսուցիչներին, ծնողներին, տոնական միջոցառումների մասնակիցներին։

Ամենուրեք տիրում էր ջերմ, հուզիչ տրամադրություն, լսվում էին շնորհավորանքի, գնահատանքի և երախտագիտության խոսքեր։

Վերջին զանգին նվիրված տոնական միջոցառումներ տեղի ունեցան Նաիրի համայնքի բոլոր հանրակրթական դպրոցներում։