Նաիրի համայնքի հարգելի՛ բնակիչներ,
Տեղեկացնում ենք, որ «Ներդրումների աջակցման կենտրոն» հիմնադրամի և ՀՀ Էկոնոմիկայի նախարարության հետ համատեղ մշակվել է Հայաստանում դամասկոսյան վարդի յուղի արտադրության արժեշղթա:
Դամասկոսյան վարդի յուղի արտադրության ուսումնասիրությունընպատակ ունի զարգացնելու գյուղատնտեսական և արտադրական ոլորտները՝ ստեղծելով համապարփակ արժեշղթա, որը կներառի վարդի մշակություն, վերամշակում, եթերայուղի արտադրություն, տնտեսավորող սուբյեկտների կարողությունների զարգացում և արտադրանքի արտահանում:
Արժեշղթան գտնվում է նախագծման փուլում և այս պահին առաջնահերթ է հստակեցնել համապատասխան հողատարածքները, որտեղ շահառուները կարող են սկսել իրենց գործունեությունը:
Հետաքրքրվողներին խնդրում ենք դիմել Նաիրիի համայնքապետարանի բնապահպանության, գյուղատնտեսության և հողաշինության բաժին: